PABLO SASTRE

Gaurko Berria egunkariko 'igandea' atal berezian, saiakera honi buruzko artikulua irakurri dut eta interesgarria izan daitekela iduritu zait. Honako hau zioen, gutxi gora behera:

Sentimenduz beteriko espazioa da hiria; sentimendu guztiek hirian tokirik ba ote duten, ordea, zalantzan jartzekoa da. Gaur egungo hirian barrena garamatza Pablo Sastrek liburu honetan, pausoa astiro emanez. Sentimenduen espazioak arakatzen dituelarik, giza arimaren aztarnei jarraitzen die, askotan ezabatuta baldin badaude ere, eta hainbat galdera luzatzen: Zer sentitzen du lan egin behar duen jendeak? Non dago emakumeen indarra, gizonen kemena, begien distira? Zein harreman dago eskolaren eta otzantasunaren, irudi fabrikatuen eta minik ezaren, ospitaleetako osasungintzaren
eta beldurraren artean?...

Norbaiti liburua interesatzen bazaio:

izenburua_”Gizajendearen ahitzea'

egilea_Pablo Sastre

argitaletxea_Elkar

PAISAIA IDEIA GISA_Koldo Mitxelena

Agnes Denes_Budapest, Hungaria, 1931

Erakusketan Agnes Denesen argazkiak ikusi ditudanean atentzioa deitu didate. Bere artelana probokazioan oinarritzen zela iduritu zait hasiera batean, eta argazkiak muntaia bat zirela. Baina, erakusketako azalpen orria irakurrita bere obraren zentzua ulertu dut, eta arras erakargarria iduritu zait. Hortaz, bereari buruz, eta batez ere, erakusketan ikusgai dagoen argazki bati buruz arituko naiz ondorengo lerroetan.

Artista honen lanak ekologia, kultura eta gizarte arloko gaiak lantzen ditu. Denesek ez du artelan soil bat egin nahi, baizik eta, gizartearengan gogoeta bat sortu nahi du. Horretaz gain, aipatu beharra dago, helburu hori lortzeko gehienetan aire libreko proiektuak egiten dituela, eta askotan eskala erraldoiekoak.

Wheatfield-A Confrontation_Manhattan

AURTENGO KURTSORAKO HELBURUAK

Urtero bezala, nire proiektatzeko gaitasunean aurrera egitea da helburu nagusia, eta honekin batera, egindakoarekin gustora gelditzea eta disfrutatzea. Agian, gauza berriekin probatu nahiko nuke, ahalik eta esperientzia gehiena lortzeko. Baina, baita ere, errealitatera gehiago hurbiltzen saiatu nahiko nuke, eta konsziente izan egiten ari naizenak zer ondorio izango lukeen benetakoa balitz.

Horretaz gain, nire ustez, aurtengo lan planteamendua bikoteka izateak helburu horiek lortzen lagunduko dit, lankideok elkarrengan esperientzia eta proiektatzeko modu berriak ikasiko baititugu.